افكار و تحضيرات لشهر الفضيل

اهلا بكم حبيباتي نتمنا تكونو بخير و على خير بغيت نفتح هاد لموضوع بيما انا الشهر الفضيل جاي ف طريك و الله مبليغنا اياه ويدخلو علينا بالصحة و السلامة
قلت اي وحدا فينا حضرت شي حاجا لرمضان تحطها لينا هنا او اقتيراح باش نستافدو كولنا
نتمنا تفاعل تحياتي

إن شاء الله الزين فكرة جيدة،هاهو جاي بالسلامة الله يدخلو علينا بالصحة والهناء وبقوة الإيمان،يالله الحادكات وريونا حداكتكم هههه و أنا وحدة منكم.

الله يدخل علينابالصحة والسلامة ان شاء الله
اوى هاد الساعة مزال ما بدينا فالاستعداد
ان شاء الله يكون تفاعل مع الموضوع

بالنسبة ليا انا بديت توجاد اول حجة درتها هي خملت دار صبنت زربية بابرودوي ديالها كاتجي ساهلة و خملت لكوزينة تخميلة خفيفة ههههه غسلت لكونجيلاتوور و رتبتوو من بعد دزت لتلاجة حتى هي من بعد طحنت مطيشة وقسمتها ف ميكات نفس شي لفريز و فزكت لحمص و حتى هوا درتو ف ميكات بقالي ربيع و لكرافس حتى هوا غدي ندرليهوم نفس شي
درت بصطلات صغار بالدجاج وسيكار بالدجاج و لفرمسيل و سيكار بفواكه البحر
و ان شاء الله بغيت ندير شويه ديال سلو مع كيعجبني انا وراجلي ايما شباكية منقدرش نديرها مع كتبغي لعوين و نا يدي بوحدي و زيدها ولدي ماكيخليني نتحرك هههههه ان شا الله غادي نحاول نحط ليكم افكار و صور ديالي و ديال لحبيبة ديالي بلقيس و نتمنى منكم البنات تتفاعلو معيا فهاد لموضوع و الله مبلغنا رمضإن واعنا على حسن عبادتو و يدخل علينا بالصحة و السلامة علىالامة الاسلامية

تبارك الله عليك وعلي أفكارك الله يدخل علينا الشهر لفضيل بالصحة والسلامة الله يعطيك الصحة